вторник, 14 августа 2018 г.

«Նայիր աչքերիս» հաղորդման հյուրն է Candy NG-ին

Ծրագրի հեղինակ և վարող՝ Արամ Խաչատրյան/ԱՐԽԱ
Պրոդյուսեր՝ Արփինե Գյուրջինյան
Խմբագիր՝ Մարի Եգոր
Նկարահանում և մոնտաժ՝ Ժորա Սարգսյան
Նկարահանմանն աջակցել է Bejani Holding-ը (Էլեն Բեջանյան)
Հարցազրույցը նկարահանվել է Princess Angie Castle-ում
Նախագծի հովանավորներ՝
Gyurjinyan production
Child and family development center NGO
Bejani holding
Princess Angie Castle


https://www.youtube.com/watch?v=Gy5IoSBuQ9k&t=2s

понедельник, 13 августа 2018 г.

Հրազդանի զբոսայգին նոր շունչ էր ստացել


Արդեն 19 տարի է ինչ օգոստոսի 12֊ը ՄԱԿ-ի կողմից հաստատված է, որպես « Երիտասարդության միջազգային օր»։ ՀՀ տարբեր քաղաքներում  այդ օրը նշում եմ մեծ շուքով՝  կազմակերպվում են միջոցառումներ և տոնախմբություններ։ Այս տարի Կոտայքի մարզկենտրոն Հրազդանը ևս անմասն չմնաց և օրը նշեց մեծ շուքով։ Նախաձեռնության հեղինակը «Միասնական Հրազդան» ՀԿ֊ն էր, իսկ գլխավոր հովանավորը՝ AquaM sportscomplex համալիրը: 
Հովանավորները՝ Հրազդանի ՏԻՄ -ը,Կոտայքի Գործատուների տարածքային միությունը, Smile Systems ընկերությունը։ Գործընկեր կազմակերպությունն էր «Երեխայի և ընտանիքի զարգացման կենտրոն» Բարեգործական Հասարակական Կազմակերպությունը: 
Միջոցառումների շարքը մեկնարկեց հեծանվային մրցավազքով՝ Հրազդանի Սահմանադրության հրապարակից  դեպի Միկրոշրջան թաղամասի « Միասնության զբոսայգի»։ Հեծանվավազքն անցավ աննկարագրելի գունեղ և հետաքրքիր։ Հասնելով զբոսայգի՝ մեկնարկեց միջոցառման երկրորդ հատվածը՝ «Միասնության զբոսայգու » վերաբացումը։ Ծրագրում նախատեսված էր համերգային ծրագիրորն իրենց ուրախ և գեղեցիկ ելույթներով գունավորեցին հրազդանցի տաղանդավոր փոքրիկները։ Հրազդանի զբոսայգին նոր շունչ էր առել և վայելում էր մարդկանց ներկայությունը։ 
ՀՀսպորտի և երիտասարդության հարցերի նախարար Լևոն Ֆահրադյանը ևս ներկա է գտնվել միջոցառմանը՝ անձամբ պարգևատրել մասնակիցներին։Համերգային հագեցած ծրագրի ավարտինի նշան միասնության՝  դեպի երկինք բաց թողնվեցին փուչիկներ։ Միջոցառումն անցավ բացառապես ուրախ և անմիջական մթնոլորտում։ Հյուրերը հեռացան բարձր տրամադրությամբ և մեծ բավականություն ստացած։ Հատուկ շնորհակալություն Հրազդանի ոստիկանությանը՝ ամբողջ ընթացքը բարեխղճորեն հսկելու համարինչպես նաև Հրազդանի ԲԿ֊ին։ 

четверг, 9 августа 2018 г.

Հատուկ քեզ համար Հրազդան


📣Ուշադրություն... Ուշադրություն...
Հատուկ_քեզ_համար_Հրազդան
Օգոստոսի 12-ը երիտասարդության միջազգային օրն է՝ ,իսկ դա նշանակում է, որ Հրազդանը արդեն նախապատրաստվել է այդ հրաշք օրվան։
👉Հրազդանի ակտիվ երիտասարդները և Միասնական Հրազդան երիտասարդական ՀԿ-ն
նախաձեռնել են Հրազդան քաղաքում նախադեպը չունեցող, լայնամաշտաբ միջոցառումներ,որի շրջանակներում Հրազդան են ժամանելու Սպորտի և Երիտասարդության նախարարության պաշտոնատար անձիք, բազմաթիվ պատվավոր հյուրեր,տարբեր լրատվամիջոցներ և ակտիվ երիտասարդներ։


Դե՜,  գնացինք...
Օրակարգում՝
ժամը 17։00 
Բացօթյա մարմնամարզություն Կենտրոն թաղամասի Սահմանադրության հրապարակում,որը կանցկացնի WNBF- ի միջազգային կարգի մարզիչ մեր համաքաղաքացի 
Մարինե Կարապետյանը։ 


ժամը 18։30 
Հեծանվային մրցավազք ՝
Կենտրոն թաղամասի Սահմանադրության հրապարակից➡️Միկրոշրջան թաղամասի Միասնության զբոսայգի (նախկին լողավազան)։


Հեծանվավազքի մանրամասներին ծանոթացիր այստեղ

 https://www.facebook.com/events/2169013026675271/?ti=cl
Հեծանվավազքին մասնակցելու համար լրացրու հայտը նախապես
👇

https://goo.gl/forms/H7VxJUHzgZWqbng62
👆 
✔ժամը 19:00 
Շաաաատ ուրախալի իրադարձություն բոլոր հրազդանցիների համար՝
Միասնության զբոսայգու վերաբացում(Միկրոշրջան նախկին լողավազան)


✔ժամը 20։00 
Միասնության զբոսայգում համերգային միջոցառում։


✔ժամը 21։00
Վառվող օդապարիկների ֆլեշմոբ։

 ԳԼԽԱՎՈՐ ՀՈՎԱՆԱՎՈՐՆ է՝
AquaM sportscomplex -ը։


https://www.facebook.com/aquam.sportcomplex

Հովանավորներն են ՝
Հրազդանի ՏԻՄ -ը,Կոտայքի Գործատուների տարածքային միությունը,Smile Systems ընկերությունը,
Երեխաների և Ընտանիքի Զարգացման Կենտրոն ԲՀԿ-ն։

Դե ուրեմն....... ՄԻԱՆՈՒՄ ենք միջոցառումներին և
միասին այդ օրը տոն ենք դարձնում մեր շաաաաատ սիրելի Հրազդանում։


Քեզ_համար_Հրազդան

AQUAM_SPORTSCOMPLEX

MIASNAKAN_HRAZDAN
Smile_Systems
Հրազդան_ՏԻՄ
Գործատուների_միություն
ԵԸԶԿ_ԲՀԿ

четверг, 2 августа 2018 г.

Միակը Հրազդանում...

Սիրում եք պատրաստել խմորեղե՞ն, կամ սիրում եք վայելել յուրօրինակ ու նրբաճաշակ տորթեր … Այս խանութ սրահը հենց Ձեզ համար է։ Ամբողջ Հրազդան քաղաքում այն հանդիսանում է միակ մասնագիտացված սրահը, ուր կա և՛ խմորեղեն պատրաստելու հումք, և՛ պարագաներ, և՛ դիզայնի համար նախատեսված տարատեսակ աքսեսուարներ։ Ամեն ինչ տորթերի և միջոցառումների համար։ Ընդունվում են հարսանեկան,մկրտության, ծննդյան ցանկացած տիպի և ձևի տորթերի պատվերներ, ինչպես նաև առկա են տարատեսակ մուլյաժներ։ Կկազմակերպեն ձեր միջոցառումները, նաև կտրամադրեն որակյալ ֆոտո և վիդեո ծառայություն։ Դե ինչ, հետաքրքրե՞ցՈւզում եք այցելե՞լ, ուրեմն մի՛ հապաղեք։ 
Օգոստոսի 5-ին, Հրազդան քաղաքի միկրոշրջան թաղամասի Զորավար Անդրանիկի պողոտա 111 հասցեում տեղի է ունենալու մասնագիտացված խանութ-սրահի բացումը։

Հեռ37493665037
37495665037
37491772828







среда, 1 августа 2018 г.

AquaM Լողավազանի բացումը Հրազդան քաղաքում


Հրազդան քաղաքում իր հյուրընկալ դռներն է բացում մեր տարածաշրջանում ամենաշքեղ լողավազանը՝ AquaM_Sportscomplex -ը, որը կառուցված է ամենաժամանակակից տեխնոլոգիաներով,ունի մանուկների և մեծերի համար նախատեսված լողավազաններ և 
ամենակարևորը շաբաթվա մեջ լինելու են հատուկ օրեր նախատեսված միայն կանանց և աղջիկների համար:

Բոլորիդ սպասում ենք բացման արարողությանը, որը տեղի կունենա օգոստոսի 11-ին, ժամը 13:00 ին:Հասցեն՝ ք.Հրազդան,Հարավային թաղամաս,Սպանդարյան 10 (նախկին ծննդատան դիմաց)։

Շուրջ 4 ժամ տևողությամբ միջոցառումն իր ներկաներին կպարգևի հաճելի և անմոռանալի պահեր: Դե՛ ինչ, շտապե՛ք: 


понедельник, 2 июля 2018 г.

Մրցաշարն անցկացվում է անվճար հիմունքներով




Այսօր մեր հյուրասրահում է ՀՀ Կիոկուշին կարատեի ֆեդերացիայի նախագահ Անդրանիկ Հակոբյանը։

-Պրն.  Հակոբյա՛ն,  ՀՀ-ում շատ կան կարատեի տարբեր տեսակներ՝  իրենց ճյուղերով և մասնաճյուղերով։ Բայց թույլ տվեք նկատել, որ  Հայաստանի Կիոկուշին կարատեի ֆեդերացիան  թե՛ գովազդային  պաստառներով, թե՛  անցկացրած մրցաշարերով  և թե՛ ցուցաբերած ակտիվությամբ տարբերվում է  կարատեի մյուս ֆեդերացիաներից։ Ինչո՞վ է դա պայմանավորված։

-Հայաստանում իսկապես մեծ թվով ֆեդերացիաներ կան գրանցված, մոտ 3000-ից ավել։ Ընդհանուր կարատեի ոճերից գործում է 30-ը, համաշխարհային մասշտաբով կան հինգ ֆեդերացիաներ, որից չորսը ոչ կոնտակտային են և մեկը կոնտակտային։ Հենց այդ մեկն էլ  կիոկուշին կարատեն է։
Նախ ուզում եմ նշել, որ մեր ֆեդերացիան ստեղծվել է 2005թ. և այս 13 տարիների ընթացքում ներգրավել է  թվով շուրջ 3000 սաների։ 2017թ. «Հայաստանի Կիոկուշին կարատեի» ֆեդերացիան սպորտի նախարարության հովանավորության ներքո է գտնվում, մենք միակ կոնտակտային  կարատեի ֆեդերացիան ենք  ՀՀ-ում, որը գտնվում է սպորտի և երիտասարդության հարցերով նախարարության կազմում։ Իրականում տարբերությունը մյուս ֆեդերացիաների հետ ավելի շատ են։ Հայաստանի Կիոկուշին կարատեի ֆեդերացիան հանդիսանում է նաև միջազգային ֆեդերացիայի անդամ, ինչը նաև մեծ հեռանկարներ է ստեղծում մեր մարզիկների համար։ Մարզչական կազմը գտնվում է մարզական պատրաստվածության շատ բարձր մակարդակի վրա, հիմնական մասը սովորել և ավարտել են Հայաստանի Ֆիզիկական կուլտուրայի և սպորտի պետական ինստիտուտը, իսկ  այն մարզիկները, ովքեր չեն ավարտել ֆզկուլտ ինստիտուտը, վերապատրաստվում են և շարունակում իրենց աշխատանքը։ Մարզիչները գտնվում են ֆեդերացիայի մշտական ուշադրության նեքո։ Բոլոր մասնաճյուղերին տրամադրում ենք անվճար մարզագույք… Այնուհետև ուզում եմ նշել մի շատ կարևոր փաստ ևս. անվճար հիմունքներով մեր սաները մասնակցում են միջազգային մրցաշարերի և այս 13 տարիների ընթացքում հասցրել են զբաղեցնել  I, II, III  անվանակարգերում 350-ից ավել պատվավոր տեղեր։ Անցած շաբաթ մեր մարզիկները մասնակցել են Հունգարիայում տեղի ունեցած առաջնությանը և կրկին հաղթանակներով վերադարձել։

-Պարո՛ն Հակոբյան, իսկ կիոկուշին կարատեն  ինչո՞վ է տարբերվում մյուս մարզաձևերից։ Կա՞ մի յուրահատուկ նրբություն, նյուանս,  որով այն առանձնանում է։

-Այո՛, իհարկե։ Բացի վերը նշված առավելություններից շատ կարևոր մի հարց էլ կա։ Ինչպես նշեցի արդեն մեր մարզաձևն ունի բազմաթիվ առավելություններ, բայց կա նաև ամենակարևորը։ Ցանկացած սպորտաձևում մարզիկների անվտանգությունն ու ապահովությունն ամենալուրջ և առաջնային հարց է համարվում, մեր մարզաձևով զբաղվողների համար ունենք հատուկ գույք՝ պաշտպանիչ շերտեր, պաշտպանիչ սաղավարտներ, որոնք հատուկ պատվիրված են Ճապոնիայում՝ մեր մարզիկների համար։Այս մարզագույքի շնորհիվ վնասվածքներ ստանալու հավանականությունը հասցվում է մինիմալի, գրեթե բացառվում է։ Հայաստանի Կիոկուշին Կարատեի ֆեդերացիան միակն է ՀՀ-ում, որ ունի նմանատիպ գույք։ Փորձում ենք ամեն գնով որակ ապահովել։

-Իսկ ձեր մարզիչներն ի՞նչ պարբերականությամբ են վերապատրաստվում։

-Մեր սաները մշտապես գտնվում են մեր ուշադրության կենտրոնում,տեխնիկական մակարդակն է բարձրացվում, մարզիչների վերապատրաստման մասով ենք լուրջ աշխատանքներ տանում և ամիսը մեկ անգամ անցկացնում ենք սեմինարներ։ Սեմինարները վարում են պրոֆեսիոնալ մարզիչները, ովքեր իրենց հերթին այդ ինֆորմացիան ստանում են միջազգային մակարդակներում, նաև դրսից ենք մասնագետների հրավիրում։ Եվ հենց այս ամենի շնորհիվ է, որ այսօր ունենք այն, ինչ որ ունենք։ Ապրիլ ամսին Եվրոպայի առաջնությունն անցկացվեց հենց Երևանում, միջազգային բոլոր չափանիշներին համապատասխան, մասնակցեցին 27 պետություն, դա նախադեպը չունեցող երևույթ էր։ Օնլայն հեռարձակման շնորհիվ 100 ից ավել երկրներում դիտեցին մրցաշարը, իսկ Հայաստանի մարզիկները տարբեր անվանակարգերում նվաճեցին մրցանակային տեղեր։

-Այսօր  Հրազդան քաղաքի սպորտդպրոցը մարդաշատ է, կպատմե՞ք  մրցաշարի մասին։

-Կոտայքի մարզի առաջնությունն ենք անցկացնում այսօր, ամբողջ մարզում ունենք մոտ 500 սան, բայց այս պահին մասնակցում են նրանցից 300 ը։  Մրցաշարն անցկացվում է անվճար հիմունքներով, ինչն էլ ապահովում է սաների այսպիսի ակտիվ  մասնակցությունը։ Սա  նաև փորձ ձեռք բերելու լավ հնարավորություն է մարզիկների համար, որպեսզի կարողանան հետագայում մասնակցություն ունենալ հանրապետական առաջնությունում և ստանալ հնարավորություն անվճար մեկնել արտասահման։

-Իսկ ըստ Ձեր դիտարկումների, ո՞րն մարզն է ավելի ակտիվ, ո՞ր համայնքներից են մրցանակակիրներն ավելի շատ։

-Ուզում եմ փաստել, որ բոլոր մարզերն էլ ակտիվ են, իսկ երբ նկատում ենք պասիվություն՝ սկսում ենք ավելի շատ ուշադրություն դարձնել այդ մարզի սաներին։

-Եվ վերջին հարցը, պարո՛ն Հակոբյան։ Ի՞նչ ծրագրեր նախաձեռնություններ ունեք կապված Կոտայքի մարզի հետ, մասնավորապես՝ Հրազդան քաղաքի։

-Նպատակ ունենք Կոտայքի մարզում ավելի հաճախ անցկացնենք առաջնություններ, այն կդառնա ավանդույթ և կանցկացվի ամեն տարի։ Պլանավորում ենք նաև մեծ թվով սաներ ներգրավել մասնաճյուղում, բարձրացնել նրանց պատրաստվածության մակարդակը։ Առաջիկայում Ծաղկաձորում անցկացնելու ենք ամառային ուսումնամարզական հավաք, որի մասին կտեղեկանաք հաջորդիվ։

-Շնորհակալություն։   

Հարցազրույցը վարեց Մարի Եգորը