вторник, 13 марта 2018 г.

...մկրտում





Օրվա փշրտված դալկության գրկում


Աղոթք ենք հունցում 

Գարունը, 
Դու, 
Ես...
Ու դեռ չբացված, հին նամակների
Ցրտատանջ հալքն ենք օրորում փեշ-փեշ:

Արագիլները սփոփանք են թևում
Թախծախեղդ գարնան մերկ պարանոցին,
Մեր կարոտները` կանաչներ գետնում
Ձանձրույթից ճաքած սառցահետքերին:

Արթնանում են մեղմ համանվագով
Թավ սեր` ապրելու, գույներ` ծաղկունքի, 
Քաղցր դող բերող օդի ծփանքով
Մեղմ զփյուռներ են հառնում նորոգի:

Ու մկրտվում ենք
Գարունը,
Դու,
Ես,
Անձրևակաթիլ մանյակներ հագնում,
Հաշ, երկնաբացիկ բալենիները
Գարնանաերթի շավիղն են օծում:

2017

Комментариев нет:

Отправить комментарий